Gogo Sina
I le aganu'u Samoa, o le Gogo Sina e lauiloa ma e iloga i lona lalelei ma le faigata ona pu'eina.
E pei o gogosina e ofaga ma faafailele i le tolotolo o Seugāgogo, e faapenā se tautua ma se auaunaga ua tapenaina e Seugāgogo `Ā`oga `Āmata, ina ia ōfagamalu iai alo ma fanau a le atunuu, se’i ofaofata’i, faafailele, ma faafulu, seia o’o mai le taimi e felelei ese atu ai.
Seugagogo
O le Seugagogo o le ta’aloga lea a tupu ma aloalii anamua. Ua le o toe faia i nei aso, a ua maua ai le igoa o le tolotolo lea e i gatai o le nu’u o Vailoa Palauli ma ua fai lea tolotolo ma nofoaga e nonofo ma ofaga tautuufua ai gogo a o’o ina fofoa ma malolosi ona felelei ese lea.
Ose tofa manino lea ua faaigoa ai le aoga ia Seugagogo Aoga Amata peā maitau i le natura o le siosiomaga, e fofoa ma fa’afailele ai le ola o le tamaititi i lana gagana, tu, aganu’u, ma le Faakerisiano ma lona talitonuga o ia o le Samoa.
O le sini autu/manulauti o le Seugagogo Aoga Amata, a lelei ona tapena le tamaititi i vaega uma ia, aemaise lana ulua’i Gagana, o leā maua’a ma manuia lona ulufale atu i aoaoga tulaga lua ma le lumana’i.
Auai mai ia i le Seugagogo A’oa’oga Amata.
Paepae o Fa'amatalaga
E tatou feso’ota’i pea i luga o le matou ‘api-o-foliga’.